Botella de Xixón, La "Oríxenes y desendolcu hestóricu de la botella de sidra d'Asturies"

Premiu «Fierro Botas» d´Ensayu 2012

Dende antiguo sabemos que la xente d’Asturies bebe sidra. Yá Plino’l Vieyu falaba de la esistencia del vidriu na Antigüedá. Entrambos los dos fechos xúntense y formen una de les peculiaridaes más característiques de la cultura de la sidra asturiano: l’escanciáu.

Pero, ¿dende cuándo y cómo la sidra asturiano s’embotella: cómo nació y se desendolcó la botella de sidra del país, que por fabricase demientres tiempu na ciudá más grande d’Asturies llegó a nomase botella de Xixón?_x000D_ La botella de Xixón. Oríxenes y desendolcu hestóricu de la botella de sidra d’Asturies fai un percorríu bien prestosu pela hestoria d’esta botella emblemática y de la so materia, el vidriu, dende los secretos meyor guardaos de los vidrieros de la islla de Murano fasta los modernos recipientes fabricaos yá fuera d’Asturies, ensin escaecer el compañeru insepartable de la botella: el vasu sidra.

Inaciu Hevia Llavona (Xixón 1965) ye etnógrafu y collaborador d’estremaes publicaciones especializaes, onde tien asoleyaos dellos artículos, principalmente de tema hestóricu ya etnográficu dende va más de 15 años.

Amás de dellos trabayos toponímicos editaos pola Academia de la Llingua Asturiana, l’estudiu de la cultura tradicional asturiana al traviés, sobre too, del trabayu de campu que vien desendolcando per tola nuesa xeografía, dio tamién nel asoleyamientu de los llibros Les paneres de Maliayo (2004), Arte popular asturiano (2005), Sidra y llagares tradicionales asturianos (2006) y La sidra y los lagares tradicionales en tierras de Maliayo (2011).

Escritor, tanto n’asturianu como en castellanu, ye autor tamién de delles entraes de la Enciclopedia de Cabranes, coordinada por José Antonio Mases y editada baxo’l sofitu del ayuntamientu de Cabranes.
100% Pago seguro | 3 a 5 días

EAN: 9788480536783
Editado por: Trabe
Materia: Asturias , Gastronomía asturiana , Sidra
Colección: Batura
Nº en la colección: 19
Idioma: Castellano
Publicado el: 0 0000
Nº Edición: 1
Nº páginas: 0
Encuadernación: Rústica
Valoración de los lectores: