Ciencia, n'otres palabres, La

Xenómica, xenética, ciencies del mar, xeoloxía, tecnoloxía de la informática y de les telecomunicaciones, llingüística y ciencies sociales son los temes que se recueyen nos ocho artículos que componen esti llibru.
La sociedá moderna basa’l progresu nel conocimientu científicu de la realidá, lo qu’inclúi dende la comprensión de la naturaleza hasta la propia condición humana. Nos anicios del nuevu mileniu l’accesu y el control d’esti conocimientu ye la base del desenrollu de cualaquier sociedá. Pero la evolución científica y técnica que manda nesti procesu de desenvolvimientu nun hai que la desaniciar del patrimoniu cognitivu y vivencial de los pueblos, yá que, a la fin, esi desenrollu nun ye productu del trabayu d’unes élites aisllaes, sinón el resultáu de la evolución natural de la intelixencia crítica y creadora que fai destremar l’humanu de los demás seres del universu.
Los autores de los artículos conteníos nesti volume –toos ellos dedicaos profesionalmente a la ciencia–, sabedores de que’l llinguaxe ye la más alta y afechisca ferramienta d’entendimientu y posibilidá de tresformación de la realidá, quieren equí testimoniar el so compromisu pa col asturianu y la so supervivencia histórica, conscientes de les dificultaes que l’as-turianu tuvo pa desenvolvese y consolidase nel discursu científicu y filosóficu.
«Entendemos, dicen los autores, esti compromisu como consecuencia natural y lóxica del enfotu nos valores más xenuinos de la busca de la verdá científica qu’inspiren el nuesu llabor del día a día». Llabor qu’inclúi los estudios de xenómica, xenética, ciencies del mar, xeoloxía, tecnoloxía de la informática y de les telecomunicaciones, llingüística y ciencies sociales y que dan como frutu –ente más otros– los ocho artículos equí recoyíos.
100% Pago seguro | 3 a 5 días

EAN: 9788480534437
Editado por: Trabe
Materia: Asturias , Investigación temas asturianos y ensayos
Colección: Batura
Nº en la colección: 6
Idioma: Asturiano
Publicado el: 26 Enero 2008
Nº Edición: 1
Nº páginas: 0
Encuadernación: Rústica
Valoración de los lectores: