Formación histórica de la llingua asturiana, La

Formación histórica de la llingua asturiana, La -  - 9788480532761

Disponible en la librería en la planta segunda (Asturias)
Ente’l llatin nel qu’escribíen Horacio, Ovidio o Virxilio nos años de la conquista d’Asturia y la llingua que falen güei bien d’asturianos media una llarga tradición ininterrumpida per más de dos mil años. Esos dos milenios volvieron lo que yera, de primeres, una aclimatación local de la vieya fala indoeuropea del Lacio na llingua propia y específica d’una comunidá humana emerxente qu’anguaño se conoz como asturiana. Ello nun obedez nin a una venturera casualidá nin a un determín providencial. Si l’asturianu se constitui como una llingua más o menos estremada y cohexonada y tien les llindes o l’articulación dialectal que-y conocemos y non otres posibles, débese al particular inxerimientu de la so comunidá falante nel so entornu xeográficu, a les sos rellaciones esternes ya internes, a los modelos antropolóxicos vixentes en cada momentu o a la manera peculiar d’articular el so propiu espaciu territorial d’acordies cola so específica dinámica social, económica, política o cultural. Poro, esti llibru atiende a tou esti procesu de conformanza del idioma asturianu según lu conocemos considerando más la suerte histórica de los falantes que-y dieron vida qu’una tresformación puramente mecanicista del códigu llingüísticu. Complementando la exposición d’un esquema históricu fundamental cola exemplificación en términos más técnicos de determinaes estructures internes, La formación histórica de la llingua asturiana respe por averar tanto al llector mediu como al más especializáu la realidá pasada y presente d’una tradición llingüística única y excepcional dientro del apasionante paisaxe universal de les cultures humanes.
100% Pago seguro | 3 a 5 días

EAN: 9788480532761
Editado por: Trabe
Materia: Asturias , Investigación temas asturianos y ensayos
Colección: Batura
Nº en la colección: 1
Idioma: Asturiano
Publicado el: 0 0000
Nº Edición: 1
Nº páginas: 0
Encuadernación: Rústica
Valoración de los lectores: